പ്രണയം വിരഹം,മരണം, ശോകം ഇല്ലാത്ത ഘടികാരം

(പ്രണയം വിരഹം, ശോകം ഇല്ലാതെ )

മിടിക്കുന്നിതാ ഘടികാരമെൻ 

മുറിക്കുള്ളിൽ നിറുത്താതെ 

ഓര്മ്മപ്പെടുത്തുന്നു -

നീ തനിച്ചാണ്.

മിടിക്കുന്നിതാ ഘടികാരമെൻ

മുറിക്കുള്ളിൽ നിറുത്താതെ 

ഓര്മ്മപ്പെടുത്തുന്നു -

നീ പതുക്കെപ്പോ 

തണുപ്പിൽ വിശപ്പിൽ 

നിദ്ര മുറിഞ്ഞു നിന്നെ 

അറിഞ്ഞു നീ ചിരിച്ചു 

മുഖാമുഖം നോക്കി 

നീണ്ട മൌനത്തിലേക്ക്‌ 

വലിഞ്ഞു, നീ തുടര്ന്നും മിടിച്ചു.

കൊടും തണുപ്പേ നീ എന്റെ അധരത്തിൽ 

കിനിയുന്ന ആര്ദ്രതയെടുത്തീടാതെ 

ചുംബനത്തിന്റെ ചൂടുകെടുത്തീടാതെ 

ശ്വസന വേഗങ്ങളിൽ 

ചടുല ഹൃ ത്താളങ്ങളിൽ 

മിഴികൾ ഇണ ചേരുമ്പോഴും 

വാതിൽ  പഴുതിലൂടോളി ഞ്ഞു 

നോക്കീടതെടോ 

അകലെ ദുശകുനമായി 

മരണവും നിദ്രയും 

വിടതരുന്നോരീ പ്രണയത്തിൻ പിന്നിലായ് 

നിദ്രയോ മരണമോ എന്നാദ്യമെന്നിതാ 

മത്സരിക്കുന്നോരി വിടവിൽ നീ എൻ -

സ്വകാര്യത കവര്ന്നീടല്ലേ